الرئيسية
التسجيل
انا إتخنقت من حياه العزوبيه حياه إنحراف بس حياه زى الفل حاجه تزهق يا جدع
انا :قلت أتجوز بقى
رحت لواحده شغاله خاطبه اهو ممكن تشوفلى حل
وبالفعل جابتلي عنوان و دخلت في الجد
قولت ألبس وأنزل أشوف الحياه عامله إيه
إستحميت حماية العيد إياها :
وكله بقي فى الكلتش
لبست اللي علي الحبل
وروحت أقابل الحج ابوها اللي اسمه بالمناسبه (سعيد سافر متاخر) عشان نتفق علي الكلام كله
قولت بلاش اخد معاى أبوى أوأمى لانهم أوساسا مش موافقين على الجوازه دي
قال ايه يا خويا أمها غلسه و خالتها سمينه شويه
انا مش بحب ادقق في الكلام الهايف ده زي ما هتعرفوا عني ده بعد كده
روحت وأخدت معايا صاحبى
اهو يسلينى فى السكه بردضك
نزلت من العماره ودخلت العماره الى جنبنا اصلها جارتنا
طلعت لقيتها قمر
بسلم عليها وقولتلها ازيك يا عروسه قالتلى لا انا رنا بنت خالتها
قلت ياه اكيد العروسه شبها ما هو علي رأي المثل ” الخال والد ” و لا ايه ؟؟
بقيت فرحان
ودخلت
لقيت ابوها بالفنله الحملات قلت مش مهم
امها مكشره فى وشى قلت عمليه تجميل وكله هيتلم
انا :ازيك يا عمى ؟
الجح سعيد سافر متاخر:ازيك ياخويا
ولقيت واحده داخله بالشربات
و بعيدا عن السامعين كانت واحشه جدا
انا: قلت اكيد الشغاله
طلعت هى العروسه وابوها وامها لقيتهم بيضحكوه ولا كانى مارلين مانرو داخله
انا قلت ربنا يخدك يالى جبتينى هنا و قعدت افكر انا هعمل ايه لما اشوف الخاطبه تاني و في صاحبي لانه كان عمال يضحك عليا
قعدت وقلت مش مهم الشكل المهم القلب
انا :طلباتك ايه يا عمى؟
سعيد سافر متاخر: انا عايز شقه 3 مطارح وحمامين زى البنت سعديه انا بنتى مش اقل منها
وعايز عربيه مش مهم موديل السنه ديه
وعايز تحطلها وديعه فى البنك العمر مش مضمون يابنى
انا : يعم انا قلتلك انا مسافر العراق ؟؟
سعيد سافر متاخر:اسكت يابنى سبنى اكمل كلامى
وعايز تعملها فرح كل مصر تحكى عليه
انا : مصر
سعيد سافر متاخر:ايوا امال انت فاكرنى كنت هقول الحته زى الافلام
لا اوعى تكون فاكر بنتى زى بنات الافلام
انا : : اه طبعا ايش جاب لجاب !ديه ديه انثى الزرافه
سعيد سافر متاخر:ايه قصدك ايه ؟
انا : قصدى ايه !انا سيبك بقالك مده بتتكلم انت مش شايف بنتك ولا ايه ده على اساس قله البنات
انا:همشى من البيت الى كله وحوش ده وهاخد رنا
وعلى كده بقى ابوها هيطلب منى عمرو دياب !
يلا يا رنا
و صحيت من النوم علي صوت مدحت شلبي بيقول جووووووون…..